கதர் பட்டு

வாரியமானது பழம்பெருமை கொண்ட பட்டுத் தொழிலில் ஈடுபட்டு, கதர் பட்டு உற்பத்தியை செய்து வருகிறது. தமிழ்நாடு கதர் கிராமத்தொழில் வாரியத்தின் கட்டுப்பாட்டின் கீழ் உள்ள 8 கதர் பட்டு உபகிளைகள் மூலம் கதர் பட்டு துணிகள் உற்பத்தி செய்யப்பட்டு வருகின்றன. வாரியத்தினால் உற்பத்தி செய்யப்படும் பட்டுப் புடவைகளுக்கு மத்திய பட்டு வாரியத்தால் தரம் வாய்ந்த பட்டு என்பதற்கான அடையாளமாக வழங்கப்படும் “சில்க் மார்க்” முத்திரை பெறப்படுவதால் இப்பட்டுப் புடவைகள் நல்ல வரவேற்பைப் பெற்றுள்ளன.

கதர் பட்டு உற்பத்தி அலகுகளின் செயல்பாடுகளால் சுமார் 277 பட்டு நெசவாளர்களுக்கு ஆண்டு முழுவதும் வேலை வாய்ப்பு வாரியத்தால் அளிக்கப்படுகிறது. இவ்வலகுகள் மூலம் உற்பத்தி செய்யப்படும் பட்டு ரகங்கள் 48 கதர் அங்காடிகள் மூலம் விற்பனை செய்யப்பட்டு வருகிறது. கடந்த மூன்று ஆண்டுகளில் மேற்கொள்ளப்பட்ட கதர் பட்டு உற்பத்தி மற்றும் விற்பனை விபரம்:-

வ. எண்	வருடம்	உற்பத்தி	விற்பனை
		(ரூ.இலட்சத்தில்)
1	2018-2019	601.13	409.93
2	2019-2020	1,021.22	523.22
3	2020-2021	311.17	539.94
4	2021-2022 (ஜூலை 2021 வரை)	35.99	29.81

கதர் நூற்போர் மற்றும் நெசவாளர் நலத்திட்டங்கள்

கதர் நூற்போர் மற்றும் நெசவாளர் நல வாரியம்

நூற்போர் மற்றும் நெசவாளர்களுக்காக நல வாரியம் அமைக்கப்பட்டு கதர் வாரியம் மற்றும் சர்வோதய சங்கங்களில் பணிபுரியும் நூற்பாளர்கள் மற்றும் நெசவாளர்களுக்கு நலத்திட்ட உதவிகள் வழங்கப்பட்டு வருகின்றன. இதற்கென இவ்வாரியத்திற்கு அரசு மானியமாக 2010-2011 மற்றும் 2011-2012-ஆம் ஆண்டுகளுக்கு தலா ரூபாய் 50 இலட்சம் மானியமாக வழங்கியுள்ளது.

இந்நலவாரியத்தில் தற்பொழுது 8,678 நபர்கள் உறுப்பினர்களாக உள்ளனர்.

இந்நலவாரியத்தால் வழங்கப்படும் பல்வேறு உதவிகள் பின்வருமாறு:-

இதன் மூலம் 1,294 பயனாளிகளுக்கு ரூ.67.97 இலட்சம் மதிப்பிலான நலதிட்ட உதவிகள் வழங்கப்பட்டுள்ளன.

கொரோனா நிவாரணநிதி

கோவிட்-19 பெருந்தொற்றால் கதர் நூற்பாளர்கள் மற்றும் நெசவாளர்களுக்கு ஏற்பட்ட சிரமங்களை கருத்தில் கொண்டு இரண்டு கட்டங்களாக தலா ரூ.1,000/- வீதம், கதர் மற்றும் கிராமத் தொழில் வாரியத்தில் உள்ள 1617 நூற்பாளர்கள் மற்றும் நெசவாளர்களுக்கும், சர்வோதய சங்கங்களில் உள்ள 7061 நூற்பாளர்கள் மற்றும் நெசவாளர்களுக்கு அரசால் நிவாரணநிதி உதவி வழங்கப்பட்டது. மேலும், மூன்றாம் கட்ட நிவாரணநிதியாக தொகை தலா ரூ.1000/- வீதம் சென்னை, காஞ்சிபுரம், திருவள்ளூர் மற்றும் செங்கல்பட்டு மாவட்டத்தில் உள்ள 74 நூற்பாளர்கள் மற்றும் நெசவாளர்களுக்கும் ஆக மொத்தம் ரூ.174.30 இலட்சம் அரசால் நிதி உதவி வழங்கப்பட்டது.

நூற்போர் மற்றும் நெசவாளர்களுக்கான நல நிதி

நூற்போர் மற்றும் நெசவாளர்களுக்கான நல நிதி 1990-ஆம் ஆண்டு தொடங்கப்பட்டது. நூற்போர் மற்றும் நெசவாளர்கள் அவர்களது கூலியிலிருந்து 12 விழுக்காடு தொகையை இந்த நலநிதிக்கு வழங்குவதுடன் வாரியமும் அதற்கு சமமான பங்குத் தொகையை நல நிதியாக வழங்குகிறது. இவ்வகையில் தோற்றுவிக்கப்பட்ட நல நிதி நூற்போர் மற்றும் நெசவாளர்களின் நலன்களுக்காகவும் திருமணம், கல்வி, மருத்துவச் செலவு மற்றும் பண்டிகைக் காலங்கள் போன்றவற்றிற்கு இந்நிதியிலிருந்து அவர்களது கணக்கில் உள்ள தொகைக்கு ஏற்ப நிதி உதவி வழங்கப்படுகிறது. மேலும், அவர்கள் ஓய்வு பெறும்பொழுது அவர்களது கணக்கில் உள்ள முழுத்தொகையும் வழங்கப்படுகிறது. மேலும், நூற்போர் மற்றும் நெசவாளர்களுக்கு நிர்ணயிக்கப்பட்ட கூலியுடன் 10 விழுக்காடு ஊக்கத் தொகையை வாரியம் வழங்கி வருகிறது. இத்திட்டத்தின் கீழ் 2020-2021-ஆம் ஆண்டில் 439 கைவினைஞர்களுக்கு ரூ.33.49 இலட்சம் வழங்கப்பட்டுள்ளது.